Vienan Karjala

Kirjutukset vienankarjalakse

Nuožarven suurin löydö da kaimavo

Vuvves 2015 Stalina Bugmirinan kehitykses piäzi ilamah Nuožarveläzien kirjuttajien kolme runokniigua. // Kuva: Kuva on otettu pereharhiivas.

Stalina Ivanovna Bugmirinua tietäh da kunnivoijah Nuožarves da kogo Priäžän piiris. Häi oli hyväh uskoju da kirmei jallal naine, oman rannan histourien tutkii, nerokas opastai, runohuon suvaiččii, aktivistu. Jo moni vuottu hänen kehitykses Nuožarves pietäh Runohuon päiviä. Mennyt vuon Stalina Bugmirinan kehitykses piäzi ilmah kai kolme Nuožarven kirjuniekoin kniigua.

– Tämä vuozi on Literatuuran vuozi, sendäh myö rakkahal yhtyimmö sih, saneli Stalina Ivanovna. – Lykysti piästiä ilmah minun ukon Aleksandr Pavlovičan Bugmirinan runoloi da meijän kuvven nerokkahan omamualazen kirjuttajan runokniigu… Sidä paiči myö piimmö Voiton 70-vuozipäiviä. Nuožarven keskukses olijah obeliskah on kirjutettu 141 voinal surman suannuon saldatan nimet. Ga oligi niilöi, ket tuldih kodih voinalpäi. Vuvvennu 2014 oraskuus kuoli Nuožarven jälgimäine voinan veteruanu. Minä kehitin rahvastu luadimah kniigu voinalpäi tulluzien da jo toizele ilmale siirdynyzien oman muan puolistajien mustokse. Sih kniigah tuli kerdomustu 51 saldattah nähte… Se pidäy meijän bunukoile. Meile pidäy mustua, mittuine hindu oli sil Voitol, kui oli suadu meijän oza, pidäy mustua jogahistu niilöis saldatois, ket puolistettih omua muadu... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat