Vienan Karjala

Kirjutukset vienankarjalakse

Ven’an kinon vuozi Karjalas

Kilvan hyvyös vuvven 2016 talvikuussah Karjalas avavuu nelli uuttu nygyaigastu munitsipuallistu kinozualua

Ven’an kinon vuozi Karjalas avatah tuhukuus. Kinon vuvven hantuzis ruvetah pidämäh äijy ozutteluu, kinolektouriedu, kinoloin enzi-ildua, vastavundua ozuttelijoinke. Paiči sidä algavutah suuret projektat, aktsiet da festivualit. Niilöin joukos ollah Kieletöi kino+elävy muuzikku, Karjalas kuvatut kinot, Uuzi Ven’an kino -projektat, Ven’an Gosfil’mfondan retro-festivuali, kudai on omistettu ohjuajan, kino-operuatoran, stsenaristan Aleksandr Drankovan mustokse da äijy muudu piduo.

Yksi piätapahtumis rodieu kogo Ven’an aktsii ”Kinon yö”, kuduadu ruvetah pidämäh enzimästy kerdua juuri Ven’an kinon päiväkse.

Nelli linnua suajah den’gukannatustu Kinon federuallizes fondaspäi
Kodimuan kinon sotsiuallizen da ekonoumiellizen kannatuksen federualline fondu kannattau Belomorskan, Karhumäen, Sortavalan da Suojärven kul’tuurulaitoksii.

Kaikkiedah fondan kilbah pyrgevyi 665 laitostu Ven’an 79 subjektaspäi. Voittajakse tuli 143 laitostu. Nämä laitokset suajah federuallizes b’udžietaspäi lähes viitty miljounua rubl’ua digiprojektoroin da toizien kinozualan laittehien ostamizeh.

Kilvan hyvyös vuvven 2016 talvikuussah Karjalas avavuu nelli uuttu nygyaigastu munitsipuallistu kinozualua.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat