Vienan Karjala

Kirjutukset vienankarjalakse

Taidoilijan kirkas muailmu

Ol’ga Potahina maltoi omah luaduh čomendua ozutteluzualan. // Kuva: Jelena Kot’ubina.

“Periodikas” ruadau moine ristikanzu. Ol’ga Potahina on Kipinä-žurnualan taidoilii. Kai ”Periodikan” ruadajat tietäh, ku Ol’ga taidoredaktorannu olles resuiččou žurnualah, ga niken ei tiedänyh, ku hänel on sen verdu kuvua, ku kerdyi kogonaine ozuttelu.

Tämän ozuttelun nimi on ”Načalo” (”Algu”) da taidoilii pani sen nägyvih ”Agriculture_clubah”. Kai ozutettavat tevokset ollah allekirjutettu myödymielizel peittonimel Julija Solntseva...

Algu-ozuttelu

Täs ozuttelus ollah voipastelli-tehniekäs resuitut tevokset, kudamii suitui jo kylläl vuvven 2016 allus algajen. Ozuttelun deviizu on amerikkalazen taidoilijan Jackson Pollokan sanat ”Minä tahton ilmoittua omii tundoloi, ga ei kuvailla niidy”. Ozuttelus olijat tevokset ollah kirkahat, erimujuzet da myödymielizet sendäh, ku taidoilijal muutui nägemys muailmah, ristikanzoin välilöih. Ol’ga Potahinal muutui resuiččemizen stiili – kuvat roittihes kirkahembat, häi algoi resuija voipastellil. Ozutteluh niškoi häi valličči juuri voipastelli sendäh, ku sidä on kebjiembi sevoittua da suaja uuzii värilöi.

Pidäy mainita, ku ozuttelun kuvil ei ole nimilöi. Taidoilii piädykauti luadi muga, ku kaččoi iče ellendäs mi on resuittu kuval. Taidoilijan sanoin mugah kai ozuttelus olijat tevokset ollah resuittut suurien emotsieloin vallas, kai net ollah abstraktizet. Toiči taidoilii iče ei tiedänyh midä häi rpiirusti, a ellendi sen vaiku silloi, konzu valmisti ozutteluu...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat