Vienan Karjala

Kirjutukset vienankarjalakse

Vepsäläzet puututtih atlassah

Anatolii Šreders luadi kartat-shiemat atlassah niškoi. Iče mies on varmu: idealnoloi kartoi ei ole olemas. // Kuva: Ol'ga Smotrova

– Myö emmo voi löyhkiä tänäpäi etnoku’tuurizen literatuuran kyllyöl, algoi kniigu-atlasan prezentatsien muzein johtai Mihail Gol’denberg.

Kniigu-atlassu on uuzi kniigan formuattu vepsäläzile dai karjalazile. Monet pandih merkile sen, ku hyvä olis luadie moizii matkuoppahii karjalaziengi eländypaikkoi myöte.

Oniegan rannikon vepsäläzii kylii myöte -kniigu-atlasan kyläkartois löydyy moizii kylii, kudamii ei ole Karjalan kartal, net ollah suurih kylih kuulujat pienembät hierut da niilöin nimet pyzytäh mustos vaiku paikallizien rahvahien kieles...

Atlasan tekstan valmistettih Šoultjärven muzein ruadai Natalja Anhimova da Kielen, literatuuran da histourien instituutan paikannimistön tutkii Irma Mullonen, nevvojannu oli Zinaida Strogal’ščikova. Atlassua valmistajes hyö pagizutettih kylien vahnimii – niilöi, ket vie mustetah da voijah varmah sanuo, kui sanottih sidä libo tädä kohtua da midä oli sit libo täs mečäl kazvavunnuos kohtas.

Oman ičen puoles mainiččizin, ku ei ole tämä kniigu moine kallis turistoile, kui tämän čuran eläjile. Kuvii kačot, ga joga ikkun kuvis da sugunimi tekstas ollah tutut.

– Tämän minä yhtes kannes toizessah luven, sanoi minun vepsäläine buabo da arhekasti pani sen ikkunpielizele, ku huondeksen valgiel lugie sidä da pahoi nägijöil silmil kaččuo tuttavih pihoih da omamualazih...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat