Vienan Karjala

Kirjutukset vienankarjalakse

Pagize minunke omah kieleh

Sjomkil vepsäläzen kieliaktivistan Ol’ga Žukovan perehes (huruas oigiehpäi): kuvuaju Igor’ Istratjev, žurnalistu Ol’ga Ogneva L’oša-poigahke, kolmen poijan muamo Ol’ga Žukova omien kaksozienke Tošan da T’omanke. // Kuva: Natalja Antonova

Pagize minunke omah kieleh! Lapset da suomelas-ugrilazet kielet – sugurahvahien muailman kongresan piäteemoi tänä vuon.

Karjalas hommatah viedourouliekkua, kudaman piäezittyjinny ollah pienet lapset, lapsienkazvattajat da lapsien vahnembat. Sidä ozutetah Suomelas-ugrilazien rahvahien VII Muailman Kongresan aigah Lahtel jo nedälin peräs. Moizii varustetah eri kohtis, kus eletäh sugurahahat, da ozutetah kongressan rahvahale. Tarkoituksennu on kiinnittiä suuremban mieron huomivuo kielen opastandas da käytös lapsien keskes. Karjalan rouliekku-projektan todevuttajinnu on Nuori Karjala -organizatsii da karjalaine žurnalistu Ol’ga Ogneva. Roulikan varustandua rahoittau Kanzallizen poliitiekan ministerstvu.

”Pagize minunke omah kieleh” – nengoine on rouliekan nimi. Se rodieu kaheksan minuutan piduhine. Kielitaustannu rodieu karjalan kielen kaksi ala-murrehtu (viena da livvi) da vepsä. Rouliekan sjomkat mendih Petroskoil, ližäkse pandih vuvven 2006 nauhoituksii Uhtuan kielipezäs. Petroskolazis kinoh tuldih Karjalan Rahvahan Liiton piälikön Natto Varpusen pereh, livvinkarjalazen Ol`ga Ognevan L’oša-poigu, vepsäläzen Ol’ga Žukovan poijat-kaksozet... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat