Vienan Karjala

Kirjutukset vienankarjalakse

Karjalan kieli Suomen karjalazih näh

Suomen karjalazet Kajaanispäi verratah karjalan kielen uuttu da vahnua kirjaimikkuo. // Kuva: Natalja Iškina, “Oma Mua”

Jelena Junttila on rodivunnuh Alavozeh, opastui Petroskoil da sit yliopiston loppiettuu muutti Suomeh. Sie naine vähäzen ruadoi turizmualal, kaksitostu vuottu opasti suomen kieldy ulgomualazile, nygöi häi ruadau kiändäjänny da karjalan kielen opastajannu. 

– Lapsennu minä en paissuh karjalakse, tiettäväine, ellendin kai, midä kois vahnembat paistih, ičehäi en voinnuh. Karjalakse minä rubein pagizemah vaiku yliopistos. Minul oldih ylen hyvät opastajat: L’udmila Markianova da Nadežda Kuzmina. Sit iče ruohtin pagizemah karjalakse. Nygöi olen Kajaanin karjalan kielen kursiloin opastai, ga ainos sanon omile opastujile: myö kaikin olemmo opastujat, minä en ole opastai, minä olen vaigu kursiloin vedäi, muhahtah Jelena.
Kajaanis kursiloi pietäh jo seiččiedu vuottu. Enne joga nedälii oli kaksin čuassuloin. Konzu Jelena muutti Kajaanispäi Suomussalmeh, häi ei voinnuh enämbiä ajella Kajaanih joga nedälii da rubei ajelemah sinne vaiku nelli kerdua vuvves kaksin päivin: kaksi kerdua keviäl da kaksi sygyzyl.

– Urokoin aigah myö luvemmo Oma Mua -lehtie, ainos pagizemmo karjalakse, pastammo piirualoi, kuda-midä tieduo kačon internetas, luajin omii harjoituksii, kerdou naine... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat