Vienan Karjala

Kirjutukset vienankarjalakse

Kus elettih Kaskesniemen kaskenajajat

Enne Kaskesniemes oli škola, sel’soviettu, ambulatourii, kluubu. Kai toizet kylät käydih aina Kaskesniemeh pruazniekkoih da ostoksile.

Kaskesniemeläine Larisa Saveljeva on yksi 14 henges, ket eletäh kyläs ymbäri vuvven.

– Kaiken ijän elin täs, rodimmos, ei täs, a Huabanovas, nelli kilometrii tiäpäi. I elin täs kaiken ijän pošti. Tiä karjalazet oldih, vähä oli rahvastu tulijua, yhtel aigua oli jo, vot konzu podsobnoidu luajittih, vot sit oli. Dai nygöi karjalazet rahvas kai jo kuoltih, vahnat rahvas. Kaksi-kolme hengie vaigu meidy täs jäi karjalastu. Dostalit ollah ven’alazet, ei malteta pajista. Ei tahtota, naverno, minä muga sanozin, sanou Larisa.  

Kaskesniemi on muga sanottuloi järvikylii. Se seizou samannimizen, Kaskesniemen järven rannal. Järves on puhtas valgei vezi, sit on äijy kalua. Tämä randu on toven čoma. Järvel, sanakse, on 33 suardu. Kanzallizen teatran artistu Jelena Kornilova hyvin mustau nenien suariloin nimet. Kaskesniemihäi on hänen kodikylä:

– Suaret oldih kai enne revol’utsiedu kai oldih časnoit. Yksi suari oli Sepän suari, vie voinan jälgeh sie oldih pellot, sie kazvatettih vil’l’ua. Oli Toroin suari, suurembi oli ku tämän Sepän suari. Oli Holopan suari. Kai suuret suaret kuduat oldih, hyö oldih kui omat. Omat suaret. A sit ku tuldih kolhouzat, net suaret otettih i net kakin kolhouzah kuuluttih...

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat