Vienan Karjala

Kirjutukset vienankarjalakse

Kui myö Puadenele ad’voih kävyimmö

// Kuva: Raisa Bogdanova

Karhumäin piirin Puadenen kylä seizou čoman Seesjärven rannal. Enzimäzet tiijot täs eländypaikas lövvytäh vahnois XVI vuozisuan kniigois. Sanotah, buite XVIII lopul Puaden oli pienenny linnannu, ga loittuon periä täs stuatusas se ei olluh hätkie. Nevvostoliiton aigua Puaden oli piirin keskuksennu da bohatannu kylänny. Läs kai vahnemban polven puadenelazet mustellah kui 1950-luvun lopul Seesjärves vetty nostettih, silloi kodiloin enzimäzen riävyn siirrettih toizih kohtih. Joga toine pagizijois mainičči, gu kylä paheni tämän jälles.

Allus algajen Puadenel eletäh karjalazet, kuduat paistah omua ylen čomua karjalan kieldy. Seesjärven čuppu on sežo kuulužu omal vuvvennu 1935 perustetul horal. Paikallizet eläjat ylen äijäl kunnivoijah sen alguhpanijua Grigorii Savitskoidu.

Kanzanrunohuon tutkijoil kezä algavuu ruadomatkas, joga vuottu myö ajelemmo Karjalan eri kylih pagizuttamah rahvastu da suamah uuttu tieduo. Hos nygözet kyläläzet ei malteta eepillizii pajoloi libo pitkii itkuvirzilöii, heijän mustos on vie kuda-midä semmostu, midä myö nuoret emmo ni tiijä... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat