Žil’čois pyhitettih mustopačas

Žil’čoin kyläh Pedrunpiän 12. elokuudu oli avattu da pyhitetty mustopačas kylän niilöile eläjile, kuduat viärättäh surmattih repressiivuozinnu. Pidoh kylän kalmužimalluo kerävyi paikallistu kylälästy, duaččuniekkua, Anukses da Petroskoilpäi tulluttu. Mustopaččahan avajazis “Anuksen karjalazien” piämies Vladimir Lukin saneli, kui juohtui mieleh luadie moine pačas viärättäh surmattuloin mustokse. Pivos oldih Ven’an Duuman deputuattu Valentina Pivnenko, Kanzallizen poliitiekan ministru Andrei Manin, Alavozen souhozan piälikkö Antonina Žerebtsova, Zakonoinhyväksyndykerähmön deputuattu Aleksei Gavrilov da toizet herrat.

Pivos Galina Fedulova da Jelena Kudel’nikova lugiettih ven’ankielisty runuo surmattuloin omamualazien mustokse, “Koivikko” da “Terveh, briha!” kahtel kielel – ven’akse da karjalakse – pajatettih Karjalan tazavallan gimnat.

Pivon lopus Jumaldoman kirikön pappi Mihail Teren’ak pidi moleebenan da pyhitti mustopaččahan...