Vienan Karjala

Kirjutukset vienankarjalakse

Priäžän kyläh avattih Ven’an poštan uuzi ozasto

Poštan taloin pyhitti Priäžän pappi Konstantin. // Kuva: Ol'ga Smotrova

Jo huondestu myöte Priäžän poštan ozaston uvven taloin tyveh kerdyi rahvastu – lehtimiesty da paikallistu eläjiä, kudamat jo edehpäi tiettih ilmoitukses: heinykuun 25. päiväs algajen poštu ruadau Kommunal’naja piha, 7 -adresil.

Kaksisadua viizikymmen tämänjyttysty suurembastu da nygyaigastu poštan ozastuo uskaldetah avata kogo Ven’al. Karjalas tämä Priäžän ozasto on jo toine, enzimäine avattih parahite ei ammui Valamoin suarele.

Uvvistetut poštan ozastot erotah tavallizis, ku voijah ottua vastah enämbi rahvastu, sanommo, Priäžän ozasto ottau vastah 3 500 eläjiä, da tarita enämbi abuu: luadie kirjazien da tavaroin express-työndämizii da express-dengulähetyksii. Tuli mieleh rahvahale poštan moine taričusgi, kui lippuloin myöndy. Nygöi lendokoneh- da junalippuloi voibi ostua piälinnah käymättäh. Sidä paiči poštan ruadajat uskaldetah, ku poštan uuzis ozastolois ei rodei pitkii jonoloi, sildy ku sie rodieu enämbi “ikkunua” da yhtehine elektronnoi vuoro.

Enne ruadopäiviä paikallizet inehmizet hyviteltih poštan nuorii ruadajii da toivotettih hyviä ruavon jatkuo. Tulii suuri nygyaigaine poštan ozasto huavatah avata Petroskoile. 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat