Vienan Karjala

Kirjutukset vienankarjalakse

“Muumitata da meri” livvikse

Kaikkiedah Tove Jansson kirjutti Muumi-yheksä kniigua. Karjalakse on kiännetty kuuzi Muumi-kirjua. // Kuva: Ol’ga Smotrova, “Oma Mua”

Tämä on jo kuvves kniigu Muumiloih nähte. Äijygo jäi vie jällele kiännettäväkse?
‒ Kaikkiedah Tove Jansson kirjutti Muumi-yheksä kniigua. Sit voibihäi lugie, ku kiännettäväkse jäi vie kolme palua. Konzu allekirjutimmo sobimustu Karjalan Kielen Seuran kel, sovimmo, ku hyvä olis kiändiä karjalakse kai Muumi-kirjat. Roinnou vägie da täydynnöy neruo, ga kiännän kai yheksä Muumi-kirjua.

Jogo on tietois kudai Muumi-kirju rodieu seiččemendenny?
‒ Emmo vie paissuh sih nähte. Toinah kuduan nevvou Karjalan Kielen Seuru, se rodieugi hyvä.

Oligo täl kerdua kiändämine kebjiembi vai jygiembi?
‒ Tälgi kerdua vouse en kaččonuh ven’ankielisty kiännösty. Suomenkielizes variatas oli äijy tundemattomua sanua, kuduat liittytäh kalastandah da mereh. Erähii nenii dieloloi akannu olles en ellndä ni kudual kielel – engo ven’akse, engo suomekse, engo ni karjalakse. Kiännyin erähän kerran Vladimir R’agojevan puoleh. Händy pien karjalan kielen parahannu tiedäjänny. Häi juohatti äijii kalastukseh liittyjii dieloloi, kui net ollah karjalakse...

Tavan mugah minun kiännösty lugi da kohendi Jelena Ruppijeva. Moneh kerdah lugi kiännösty minun alalline abuniekku Martti Penttonen, tuaste lugi ruočinkielisty alguperästy tekstua da äijän nevvoi da autoi. Kiitän Jelenua da Marttii ylen äijäl.

Kusbo suau ostua uuttu Muumi-kirjua?
‒ Sidä suau tilata da ostua Karjalan Kielen Seuras.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat