Vienan Karjala

Kirjutukset vienankarjalakse

Tehnolougien vieljärveläzet edujoukot

Brihačut opitah ohjata miäččy-robottua, kudaman sydämes on tiedokoneh. // Kuva: Martti Penttonen.

Onnuako viesti ei tavoitannuh sadavuodizii buaboloi, ku kursiloile tuli vaiku puolikymmendy brihaččuu: kaksitostuvuodehizet Johor da Miitrei, kymmenevuodehine Timofei da kolmie vuottu vahnembaine Van’a ‒ allus oli vie Matvei, ga händy kučuttih buabalpäi kodih Segeežah kesken kursiloi. Tulieloile kursiloile toinah jo tytötgi tullah. Lugumiärän puoles opastujien joukko oli sobivan suuruine. Kursan “ruadovehkehenny” oli Sphero-nimine robottu. Se on nenga Apel’siinan suurus miäččy, kudamua vois arvata bovakse. Voibihäi sidä bovannugi pidiä, a sen sydämes on tiedokoneh, kaksi ajelendah pättäviä motorua, giroskoppu da ähkähtyssensoru. Voibi sidä ajuagi kui loittonohjattavua bobamašinua libo lennäkkii, a moizes kižuandas ei  tarvita Spheron neroloi. Sen olemasolendan perusteh on se, ku sidä voibi ohjelmoija kui midätahto “oigiedu” robottua, da senke voibi opastuo ohjelmoimah tiedokonehtu.

Tiettäväine, vois kyzyö, ongo tolkuu moizes bovas, kudai maksau enämbän sadua euruo, eigo sidä vois käyttiä toven ruadoh. Toinah sen piäle vois panna pitkät helmat da sit se hos pyhkis pölylöi lattiel.

Ga Spheron hyödy on muijal... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat