Vienan Karjala

Kirjutukset vienankarjalakse

Jessoilu vastai gostii

Tulien vuon runofestivuali pietäh Veškelykses. // Kuva: Elina Potapova

Festivualin päivänny piettih Uspen’n’ua, sendäh algu festivualile pandih čoman časounan vieres. Jessoilan aktivistu Zoja Saveljeva pidi enzimäzen paginan da kaunehel karjalan kielel lugi runoloi. Oman sizären paginua jatkoi Aleksandr Volkov, kudai sežo saneli omas kyläs da omas ruavos karjalazen runohuon hyväkse. Sit festivualin ižändy da emändy kučuttih kaikkii Jessoilan kul’tuurutaloih.

Kul’tuurutalois festivualin gostii tervehtettih paikallizet da tulluot herrat: Jessoilan kylän johtai Andrei Orehanov, Karjalan tazavallan Kul’tuuran ministru Aleksei Lesonen, Kanzallizen poliitiekan ministran sijahine Irina Petrova, Karjalan tazavallan karjalazien VIII Kerähmön vallittuloin nevvoston piälimäine Tatjana Klejerova, deputuattu Ol’ga Šmajenik da Sergii-tuatto. Kaikin kiitettih kyläläzii da festivualih yhtynyzii ruavos karjalan kielen hyväkse.

Festivuali piettih Nuorus Vägi -Priäžän kanzallizen piirin yhteiskunnallizen organizatsien projektan mugah, kuduan kannatti Kanzallizen poliitiekan ministerstvu.

Enzimäzenny lugemah omii runoloi lavale nouzi Karjalan rahvahalline kirjuttai Aleksandr Volkov. Aleksandr Lukič sanoi omii mielii karjalan kielen ozas da kehoitti rahvastu enämbi kirjuttamah omal livvin kielel... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
Koudu: *
Partn`ourat