Vienan Karjala

Kirjutukset vienankarjalakse

Uvvistettu kul’tuurutaloi Nuožarves

Uvvistetus kul’tuurutalois paikallizet naizet suajah kuduo hurstiloi kangaspuuloil da pastua piiraidu projektan varoih ostetul sähköplital // Kuva: Jekaterina Barmina.

Nuožarvi on pieni kyläine Priäžän piiris, ga jo kolme vuottu peräkkäi sen eläjät yhtytäh Paikallizet initsiatiivat -programmah da joga kerdua suajah sen kannatuksen. Nuožarveläzet kahten mennyön vuvven aigah ehtittih suaha kundoh endizen stadionan da tulipalotelat. Tänä vuon pluanois oli uvvistua kul’tuurutaloin pertit. Ruadoh oli vaigu nelli kuudu, a dieluo oli menetiijä min verdu. Nygözes kul’tuurutalois moni vuottu oli laukku, seinät oldih reduu mustat, ei suannuh ni kaččuo. Nygöi kai on kruasittu, lageh on pandu vägitukku lampua, ku pertilös ilmai ikkunoi olis valgei. Lämmin ubornoi da vezi on suuri dielo kyläläzil, netgi nygöi ollah Nuožarveläzes kluubas. Remontan jälles kul’tuurutalois rodieu moinegi perti, kus paikallizet naizet voijah iče kuduo hurstiloi, pastua piiraidu da opastua toiziigi nämmih neroloih. Leviet kangaspuut kul’tuurutaloih mondu vuottu tagaperin tuodih Suomespäi, a uuzi sähköplita on ostettu projektan varoih. Sanakse, mennyzien vuozien aigah hurstiloi oli kuvottu enämbän 150 metrii, a strepindyneruo nuožarveläzet naizet käydih ozuttamah Suomehgi, kus luajittih läs tuhattu šipainiekkua... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat