#35 (1325)

Mittuine on kiändäjän ruado? Ken, kui, midä da konzu on kiändänyh karjalakse? Da midä pidäs karjalakse kiändiä? Kuspäi kiändäi suau tieduo, konzu vastah tulou tundematoi sana? Tahtozitgo kiändiä Wikipediedu karjalakse?

Priäžän kyläs vaste ei ammui perustettu Melliččy-fondu ruttoh ottavui ruadoh. Eräs sen mieldykiinnittäi da karjalazien syväindy lämmittäi projektu on “Oma Randu”. Pagizutimmo sih nähte Melliččy-fondan piälikkyö Jekaterina Jefremovua.

Syvyskuun algupuolel Helsinkis piettih ven’an- da suomenpuolizien kamuksien vastavundu, kudamas paistih suomelas-ugrilazen yhtehizen ruavon tuloksis da tulies aijas.

Barents -musiikkiprojektin pieni Rantaekspromti-konsertti piettih Petroskoin Studija 16 -klubissa 24. elokuuta. Šiinä esiinty norjalais-venäläini musiikkiryhmä, kumpani peruštu kanšainvälisen yhteistyön tulokšena. Ryhmän luotih musikantit Norjašta, Norlannista ta Venäjältä musiikkifestivalissa HemhseDzhaz.

Mie elän umpivenäläiseššä kyläššä. Konša opaššuin koulušša, nin istorijan opaštaja šelvitti meilä kylännimie näin: Kylä šai Derev’annoje-nimen, šentäh kun šen kaikki talot oltih puiset.

Viime šuovattana Petroskoissa piettih Leto.ptz-perehpruasniekka, kumpani oli järješšetty Kaupunkin päivän tilašta. Petroskoilaisilla ta kaupunkin vierahilla oli valmissettu monipuolini ohjelma. Juhlan piäkentäkši tuli Onegan rantakatu, missä toimi erilaisie jarmankoja, a piälavalla koko päivän esiinnyttih laulu- ta musiikkiryhmät.