Vienan Karjala

Kirjutukset vienankarjalakse

Terveh tulgua – opastammo kirjuttamah

Täl kerdua myö ottavuimmo opastamah omii lugijoi kirjuttamah. Sulakuus Vieljärven Karjalan Kielen Kois opastimmo omii lugijoi, kui kirjuttua pienii teksoi – uudizii, sanelimmo heile mittustu tostu luaduu kirjutustu on lehtes olemas, nevvoimmo, kui pidäy luadie hyviä kuvua, ku net vältämättäh pättäs lehteh painettavakse. Meijän toimittai, folklouran tutkii Valentina Mironova kerdoi, kui voibi käyttiä hyväkse suusanallistu kirjoile panduu karjalazien perindyö, kudai on tallel Kielen, literatuuran da histourien instituutas.

Eräs tämän projektan seminuaru piemmö 21. ligakuudu ”Periodikan” seinis. Täl keruda kučummo pidämäh paginua histourien tutkijua Tatjana Berdaševua, kudai ruadau Kanzallizes muzeis da mennyt vuon sai arvonimen ”Paras kyläläine blougeru”. Inehmine rubieu opastamah meidy, kui luadie da tallendua Internet-blougua, kui kirjuttua ”kommentoi”. Priäžäläine Jekaterina Jefremova, Melliččy-fondan piälikkö, sanelou omis projektois da šeikkuperäzesti erähäs jälgimäzes – Oma Randu -nimellizes. Kanzallizen arhiivan ruadajat sanellah, kui kirjutuksii kirjuttajes käyttiä hyväkse arhiivas ruokos piettävii materjualoi.

Kučummo rakkahal ”Oman Muan” alallizii da vaste kynäh tartujii kirjuttajii yhtymäh meijän seminuarah. Terveh tulgua, čuajuu juvves da piiraidu syvves teil rodieu mahto opastuo kirjuttamah mieldykiinnittäjii da korgeitazozii kirjutuksii. Ližiä tieduo tel. 78 05 10.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat