Vienan Karjala

Kirjutukset vienankarjalakse

Uvvet kirjutukset Wikipediah

Wikipedian ruadopajan muasteri Ilja Mošnikov kerdou ”Wikipedian syväindös” // Kuva: Ol’ga Dubitskaja ”Oma Mua”.

Täl kerdua, kuigi mennyt kerran Kiännä!-seminuarale tuli äijy rahvastu, kuduat tahtotah opastuo hyvin kiändämäh karjalakse. Paginal ollahgi Wikipediah niškoi kiännettävät kirjutukset.

Wikipedia on ilmaine”välly entsiklopedii”, kuduadu kirjutetah iče rahvas. Wikipediadu  on olemas muailman monil kielil.

Kiännä!-projektan piätavoittehennu on luadie Wikipedia karjalan kielelgi. Nygöi karjalankieline Wikipedia on ”inkubatoras”.  Se merkiččöy sidä, gu entsiklopedii jo on olemas, ga se ei ole äijiä alallistu kirjuttajua.

Ku karjalankieline Wikipedia piäzis ”inkubatoraspäi”, sie pidäy olla puolitostu tuhattu kirtjutustu. Nygöi livvin Wikipedias on 628 artikkelii. Enämbi 20 uuttu kirjutustu ilmestyi juuri mennyt kerran Wikipedian ruadopajan aigua. Sidä paiči tärgei dielo Wikipedian luajindas on kirjutuksien kohendamine. Pidäs, ku ”välläs entsiklopedies” olis hos mittuinetahto aktiivižus.

Nygöi Wikipedias ollah moizet aihiet kui yhteiskundu, istourii, tekniekku, sportu da joudoaigu, tiedo, muailmannägemys, kul’tuuru da on suuri ozasto, kudai on omistettu Karjalale. Sinne pidäy kirjuttua kai, mi koskou Karjalan tazavaldua da karjalastu rahvastu...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
Koudu: *
Partn`ourat