Vienan Karjala

Kirjutukset vienankarjalakse

“Kipinä” on paras lapsien žurnualu Ven’al

Lahjakse “Kipinän” toimittajat suadih diploman da prostoin käytös fotoapparuatan. Kuvas on žurnualan piätoimittai Jana Filimonkova.

Kaikkiedah kilbah ilmoittihes 66 lapsien žurnualua da lehtie Ven’an eri čuppuloispäi. Palkičuspidoh Orl’onok-luagerih Krasnoduaran piirih lähti vai seiččemen– internetan kauti edukädeh parahikse vallitun julgavon edustajua. Voittajien joukos oli Kaliningruadan, Voronežan, Volgogruadan, Kriman, Moskovan, Čehovan da Karjalan alovehil ilmah piäzijät lapsien žurnualat. Jogahine žurnualu rodih parahakse omas nominatsies. Kelgi oli paras saitu, kelgi paras dizainu. “Kipinänhäi” nominatsii rodih toizii leviembi: “Paras lapsien žurnualu”.

Arvostettih žurnualoi Ven’an tundiettuloin julgavoloin – “Murzilkan”, “Sobesednikan” da “Pionerskaja pravdan” – ezittäjät.

– Ku arvostajat ei maltettu meijän kielii, meidy arvostettih ulgonävön da dizainan mugah. Žurnualu on ylen hyvä bumuagan luavun da dizainan puoles. Sendäh meijän žurnualan piälimäzis tarkoituksis Karjalan tazavallas minä sanelin jo iče, saneli Jana Filimonkova.

Pidäy mainita, ku vuozi vuottu julguajat pannah merkile sen, ku “Kipinä” on parahii da kehitynnyzii suomelas-ugrilazien lapsien žurnualoin keskes...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat