Vienan Karjala

Kirjutukset vienankarjalakse

Uuzi sanakniigu: livvispäi ven’akse

Kielen, literatuuran da histourin instituutan ruadai Tatjana Boiko on varmu, ku karjalan kielel on tulii aigu // Kuva: Ol’ga Dubitskaja, ”Oma Mua”

Karjalan kielen sanakniigu (livvin murreh), kuduan luadijannu on Grigorii Makarov, oli piästetty ilmoih jo loittozennu 1990 vuvvennu. Nygöi tädä sanakniigua jo ei sua löydiä nikus. A sidä puaksuh pidäy kädeh karjalakse kirjuttajile da karjalakse kiändäjile.

Tänä sygyzyn piäzi ilmoih Tatjana Boikon Suuri karjal-ven’alaine sanakniigu, kuduas on läs 18 tuhattu sanua.

– Tädä sanakniigua minä alloin kirjuttua vuvvennu 2011, a mennyt vuon sygyzyl lopin sen ruavon, sanou Tatjana Boiko. – Meijän kielen laitoksen ruadajat ylen tarkah lugiettih minun sanakniigu, annettih ylen äijy hyviä nevvuo da huomaičustu, nevvottih ottua abuh kaksi toimittajua. Karjalan kielen puoles sanakniigua suostui lugemah Ol’ga Ogneva, a ven’an kielen puoles – Svetlana Nagurnaja, jatkau tiedonaine.

Paiči sanoin kiännösty, sanakniigan jogahizel sanal on kolme muoduo – substantiivois ollah yksikön genetiivu, yksikön da monikon partitiivu da verbilöis – yksikön enzimäine da kolmas persounu da monikon kolmas persounu...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat