Vienan Karjala

Kirjutukset vienankarjalakse

En jaganus yhty ozua kahtekse

Katkelmus Douhturin vastahotol -spektaklispäi. Artistat Viktor Arestov da Galina Isakova. // Kuva: Ol’ga Smotrova, “Oma Mua

– Vera Dmitrijevna, sinun emändöimän teatran ruandu on jo kuulužu meijän karjalankielizen kul’tuuran tapoksel. Kolmes vuvves on suadu viizi piendy-suurdu ozutustu.  Enne pagizutandua pyörähtimmös internettah Karjalan Kielen Koin sivustole da huomain, ku teatran azutun Douhturin vastahotol -spektaklin online versiedy availi jo pošti 600 hengie. Se oli teil Videlen vahnoin kodih käydyy vie mennyöl kuul. Aiga lykky.

– Myö lekahutimmo mieron syväimii – se on tozi. Dai omii syväimii. Rahvas itketäh meijän spektakliloi kaččojes mindäh sendäh ozutammo elaigah koidujat aziet. Midä elokses, sidägi laval. Yhtel suul itket dai nagrat. Meijän ezmäine pieni opittelenduozutus ”Rod’nugo?” Ol’ga Gokkojevan samannimizen kerdomuksen mugah pani meijän kylän rahvastu ajatuksih karjalan kieldy kohti. Sen ozutuksen  azuimmo Karjalaine suarnu -kilvan čottah, se silloi piettih parahite Vieljärvel. Löydyi kyläs nelli ristikanzua, ket uskaldettih oppie. Kerran pido piettih meijän kyläs, kuito pidi ičelgi midätah ozuttua, huigeihäi silläh oli jiähä. Ozutimmo sen Karjalan Kielen Kois vieljärveläzile, konzu talois eigo vie olluh ikkunoi, eigo latettu, muga oli kiireh. Nengoine algu meijän. Vuvven peräs oli valmis ynnälline spektakli Kalevala-eeposan runoloin mugah, kudamah yhtyi jo nellitostu vieljärvelästy. Käytimmö Zinaida Dubininan kiännettyy ”Kalevalua”, minä keräin runoloin katkelmuksii ozutettavakse. Spektakli rodih pitky, jo pošti čuasun kestäi. Muuzikku pidi ičel vallita – kai se meile oli uuzi. Syväindyö myö se ozutus oli opastavaine: kui andilastu työtäh koispäi miehoilah, midä nevvuo käskyläzet annetah, midä sanua peräh lad’d’atah. Kui hyvä olis nuorižol nygözel aijal rippuo nämmis tavois...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat