Vienan Karjala

Kirjutukset vienankarjalakse

“Kipinä” – monen polven kazvattai

“Kipinän” toimittajat (hurualpäi oigiele): Ol’ga Potahina, Galina Baburova, Oksana Čurigina, Jana Filimonkova, Ol’ga Smotrova. Kuva // Kuva: Ol’ga Dubitskaja, “Oma Mua”

Sidä kirjavua žurnualua mustan vie lapsusaijas. Kirjastos madalal pikoi-pienien lapsien stolal ainos oli “Kipinä”. Otin vie sen-tämän žurnualan ližäkse pualičaspäi da livailin – mittumat čomat kuvat! Žiäli vai, ku ni sanua en maltanuh lugie silloi...

“Karjalazes Kybenyös” ruadajes

Konzu jo opastuin yliopistos karjalan kieleh, enzimäi opin kiändiä “Kipinän” pienii kerdomuksii da runoloi livvispäi ven’akse, oli kebjei, lapsilehäi kirjutetah. Silloi ni smiettie en voinnuh, ku piäzen žurnualan toimittajakse da rubien iče luadimah sidä.

Muga vuvves 2011 “Oman Muan”  toimittajat Jelena Ruppijeva da Ol’ga Smotrova ruvettih luadimah ainavuo karjalankielisty žurnualua. Algu ei olluh kebjei. Enzimäi pyzyimmö endisty formuattua, aijan aloh rubeimmo keksimäh omua, ihan uuttu. Midä enämbi ruat, sidä parembi maltat, ellendät mi žuarnualah pädöy, mi ei päi. Yhtelläh karjalankielizel žurnaulal on toizet tarkoitukset, migu ven’ankielizil. Minun mieles, meijän piälimäine ruado on auttua karjalan kielen opastajii da opastujii školis da päivykodilois. Valdivollizen programman mugah 5.-8. kluasoin opastujat suajah “Kipiniä” ilmai niilöis Karjalan školis, kus opastetah karjalan, vepsän da suomen kieldy urokannu. Sendäh enin oza žurnualan materjualois on keskiškolan igähizih lapsih niškoi. Tiettäväine, lugiettavua da arbailtavua löydyygi pienembile lugijoile. Paiči kižoi, kerdomuksii da arbaituksii azuimmo moizet rubriekat kui “Sanakirju”, “Runohuavoine”, “Päčinsuus” da toizet. “Sanakirju” on opastajien kyzyttävy rubriekku. Luadie se tuli mieleh, konzu Suomelas-ugrilazen školan opastai Svetlana Kondratjeva kyzyi meidy luadie tiedokonehtu koskii sanasto. Muga rubeimmo kuvien kautti opastamah lapsii uuzih sanoih. Tiettäväine, uvven sanan keksimine ei ole yhten ristikanzan ruado, täs jo pidäy kiändyö sanastokomiisien puoleh... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat