Vienan Karjala

Kirjutukset vienankarjalakse

Ei kai ilmat ikkunas, ei kai kalat kattilas

Pačas viittehienke on kaikile nägyi. Se on hyväl kohtua, juuri Priäžän kylän keskučas. // Kuva: Jelena Ruppijeva

”Karjalan kieldy tihieh” on Melliččy-fondan, Karjalan kielen Koin da Nuoren Karjalan yhtehine kilbu, kudai piettih Priäžän piiris. Sen aigah kuuzi eri kylien projektua suadih varua omah ruadoh niškoi. Ruavon tarkoitus nägyy kilvan nimes. Jogahizel ruadajal pidäy omal čupul tuvva karjalan kieldy nägövih, ku ruatun tulokset oldas rahvahale hyvin nägyjät. Luadie se pidäy uudeh da omaluaduzeh tabah, pruazniekoin da illaččuloin piendiä sit ei kannateta.

Ruado ruadajil, ket suadih kannatustu, menöy täytty vägie. Jo on äijy ruattu, vie enämbän toinah tulou ruadua. Priäžän kyläh Ei kai ilmat ikkunas, ei kai kalat kattilas -projektan hantuzis jo on azetettu pačas viittehienke karjalan kielel. Viitehty – dorogan ozuttajua laudastu – on luajittu kuuzi. Niilöih on kirjutettu Priäžän čupun da Karjalan kuulužimat kohtat. Net kai ollah karjalan kieles da karjalazes kul’tuuras kiini. Tuolleh rahvahale da kylän gostile nägyy, midä da kus ruatah karjalazien da karjalan kielen hyväkse.

Karjalan Kielen Kodi. Čomin kylä Kinnermy. Pakkazen konnut. Elämä. Kindahan mustopačas. Kižin suari. Nämä ollah kuuzi viitehty karjalan kielel. Niilöis nägyy, kuduah puoleh pidäy ajua da äijygo kilometrii on sih kohtassah... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat