Vienan Karjala

Kirjutukset vienankarjalakse

Karjalazes kyläs hengel on hoivu

Yhtes karjalan kielen kursuniekoin kel luajimmo sentämän harjaituksen Jelena Ruppijevan uvves opastuskniigaspäi ”Liygii livvikse. Livvin algukursu”. Tämä opastuskogomus rodieu avukse karjalan kielen opastamizes. // Kuva: Ol’ga Smotrova, “Oma Mua”

Tulimmo, tiettäväine, enne kaikkie kuhkuttamah lehtie tiluamah da lugemah. Hos äijät jessoil’čat lugietah da kirjutetah meijän lehteh, ga täs suures karjalazes kyläs ”Oman Muan” lugijua vois olla äijiä enämbi.

Kyläläzet kerävyttih kirjastoh. Enimät heis oldih akat, kuduat kävväh karjalan kielen kursiloile. Kursiloi jo äijän vuottu pidäy Svetlana Tihonova.

- En minä ole karjalan kielen opastai, ga midä iče maltan karjalakse, sih naiziigi opastan. Eräs akku sanoi, ku kävyi kursiloile jo mennyt vuon, tänävuon ei la tule. A tänäpäi istui täs meijän vastavukses, kuundeli da muga mieldyi, ga sanou tänävuongi rubien käymäh, sanelou Svetlana Pavlovna.

Tavan mugah toimmo Petroskoilpäi tuomastugi – eihäi karjalazet mennä gostih tyhjin käzin. Täl kerdua lahjoitimmo karjalan kielen kursuniekoile uvvet Tatjana Boikon sanakirjat – ven’a-karjalazen da karjal-ven’alazen. Toine suuri lahju da avustus kielen opastundas oli Jelena Ruppijevan uuzi opastuskniigu ”Liygii livvikse. Livvin algukursu”. Tämän kirjan mugah vie vähäzel ”opastimmogi” kyläläzii: luajimmo kuda-midä harjaitustu... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat