Vienan Karjala

Kirjutukset vienankarjalakse

Hembieh helizöy kandeleh

”Kandelehen” atistat kirjavis sovis pyörittih Muuzikkuteatran laval. // Kuva: Kirill Ognev

Perustamizes nygyaigah

Pajojoukon histourii algavui vuvvennu 1936, konzu Viktor Gudkov perusti Kantele-orkestran. Ansambl’u kerras rodih karjalazile mieldy myö. Gudkovan pluanois oli panna algu karjalais-suomelaine muuzikkutaijole. Täs ruavos händy avvutti vuvvennu 1937 ansambl’ah tulluh Vasilii Kononov. Monii vuozii nerokas baletmeisteru luadi Karjalan vepsäläzien, karjalazien da ven’alazien horeogruafiitaijon. A hänen ruadodovariššu Helmi Malmi luadi suomelazien kanzallizen horeogruafien. Kantele-ansambl’ah on yhtynyh sadoi nerokkahii artistoi, säveldäjii, ohjuajoi, rahvahan soittimien muasteroi... Ansambl’al on ylen bohattu histourii, arhiivas on äijy dokumentua da artefaktua, kui, sanommo, nouttukäzikirjutukset, fotokuvat, ilmoituslehtet. Niidy vardoiččou Perindön ozasto, kuduan piätarkoituksennu on andua jälgeläzile mahto käyttiä ”Kandelehen” uarrehtu. Arhiivoin dokumentoin pohjal on luajittu Kantele: ikkunat histourieh -saitu adresil http://history.kantele.ru.

Nygöi Kantele -pajo- da tansiansambl’u valmistau Karjalan kandurahvahien nygyaigastu kanzallistu taiduo. ”Kantele” ei ole vaigu konsertuyhtymy, se valmistau suurii muuzikku- da teatruozutelmiigi, kui, sanommo, ”Karsikko”, ”Vepsänman noiduz”, ”Tansimua”.

– Karjalan kanzallistu kul’tuurua säilyttäjen myö tahtommo kehittiä sidä da luadie muga, ku se olis mieldy myö nygyaigazile kaččojile, sanou ansambl’an ruavos ”Kantelen” piälikön sijahine Ol’ga Vlasova...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat