Vienan Karjala

Kirjutukset vienankarjalakse

Kaššali rugehistu

Nuožarven akat pastoksii varustamas. // Kuva: L’ubov’ Ponomar’ova.

Talvikuun lopus rodieu projektoin ezitys da arvostusjoukko valliččou kilvan kuvves projektas parahan. Nuožarven kylä sai kannatustu kahteh eri projektah, kudualoin nimet ollah “Kaššali rugehistu” da “Oma kodirandaine”. Tahtozin sanella tarkembah enzimäzekse mainitus.

Ruado algavui jo ligakuus, projektan todevuttamizekse oli vallittu ruadojoukko da luajittu pluanu. Kaššali rugehistu -projektan mugah pidi kerätä moizet retseptat, kudamien mugah syömizii da pastoksii ennevahnas luajittih rugehizes jauhos. Se oli tervehelline syömine da Karjalashäi enimyölleh kazvatettih ruistu. Kyzelimmö vahnoil ristikanzoil, tarkah kai kirjutimmo, sendäh ku projektan piätavoittehennu oli pienen retseptukniigan julguamine rahvahah niškoi. Konzu kai oli kerätty, rubeimmo iče valmistamah nämmii syömizii da pastoksii. Piimmö kolme master-kluassua školaniekkoih niškoi, nuorižon da kyläs eläjien kel. Pastoksii oli kahtu luaduu: rieskas da muigies taiginas. Kaikkiedah lövvimmö 12 retseptua: huttu, ruiskiiseli, ruisleiby, kokoihuot, kosoit, kringelit, šipainiekat, kalakurniekku da toizet.

Omah ruadoh niškoi saimmo 7 000 rubl’ua, omis varois vie ližäimmö 15 000, nämmä den’gat saimmo iče piirualoin pastoksel. Omih den’goih ostimmo kaksi stolua da laučat meijän karjalazeh pertih, kus piemmö master-kluassoi. Projektan mugah keksimmö pertin nimen, se on ”Emändäine”, joga vehkehen tyveh panimmo karjalazen nimen, nygöi kaikin tietäh, mi on värtin da härkin, juodu da mal’l’u. Projektan tulokset roittih kaikile nägövih... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat