Vienan Karjala

Kirjutukset vienankarjalakse

Naizien elostu, Lidija Abramovna Spitsina

Kuvas ollah Lidija Spitsina (hurual) da Jessoilan Naizien nevvoston piälimäine Svetlana Kozlova. // Kuva: Galina Vasiljeva

Häi suvaiččou čomuttu kaikes – naizen kois on äijy kuvua. Darja-bunukku lapsennu olles puaksuh pagizi Lidija-buabanke čomih kuvih kaččojes. Sithäi rubei piirustamah omua Siämärvie – karjalan kodiloi, meččiä.

Lehti- da žurnualutukkuloi, kodikazvoksii, suolatuksii, havvotun kapustan magei duuhu, suolatun kapustan puččine da mieldykiinnittäi ristikkö käis. Moine on liečetiijon sluužban veteruanu Lidija Abramovna Spitsina, kudai jo läs kymmendy vuottu on veteruanoin nevvoston halličukses.

Pidäy sanuo, ku naine eläy bol’niččukois, kudai on vahnan bol’ničan rinnal. Häi kuhkutti rahvastu kohendamah oman kaksikerroksizen koin levon, talgoh ruadua vahnois bol’niččuhuonuksis.

Pruazniekoin aigua Lidija Abramovna kiirehtäy omah časounazeh, kul’tuurutaloih konsertale. Veteruanoin nevvoston hallinnos Lidija Spitsina on kylän yksi aktiivizembis ristikanzois.

Lidija Abramovna 59 vuottu ruadoi Jessoilan bol’ničas. Häi oli feršalinnu, sit kymmene vuottu ruadoi piälimäzenny voimattomienhoidajannu. Äijän kerdua häi piästi ristikanzoi hengih.

Olgah hos 70 kučundua griipalvoimattomilluo – juoksi čamodanazenke pahal siäl, a ku dorogas vastai lapsensuajan – pidi avvuttua. Kerran Kutižmas mečästykses ruanittu kondii revitteli mečästäjän rožat. Lidija Abramovna piästi hengih naizen Kiviniemel, kuduale häkki revitti vačan.

Oli Lidija Spitsinan ruavos äijy ennustamattomua tilandehtu. Bol’ničan 100-vuozipäiväkse tahtottih andua hänele kunnivomerki, ga yhty tazavallan kunnivokirjua ei täydynyh…

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat