Vienan Karjala

Kirjutukset vienankarjalakse

Kul’tuuran hyväkse kolme vuottu peräkkäi

Vuvvennu 2015 tazavallan kirjastoloih kävyi 520, 8 tuhattu hengie, se on 12,6 % enämbi ennemullostu. Karjalan tazavallan kul’tuurualan ruadajien sanoi mugah eräs tärgevimis tavoittehis on livuttua lugemizeh lapsii da nuorii.

Aleksei Lesonen sanoi, ku ”Literatuuran vuozi oli iel mennyön Kul’tuuran vuvven jälgeläzenny da andoi vuoron Kinon vuvvele. Lesozen sanoi mugah ”Ven’an Federatsies jo ammui ei olluh mostu, ku myö kolme vuottu peräkkäi omistazimmo kul’tuurale da kiinnittäzimmö mieldy sih, mittustu probliemua on sil alal”.

Ministru Lesonen erikse vihjai, ku vuvvennu 2015 on loppussah kirjutettu ”Karjalan tazavallan kirjaston kehityksen konseptsii vuodessah 2025”.

- Konseptsieh on kirjutettu, mittustu piduo da ruaduo myö huavuammo luadie, ku lugemizel iellehgi olis tärgei rouli nuoren polven kazvattamizes. Se on tärgei kirjastoloin ruado. Kul’tuuran ministerstvu, kirjuttajat da yhteiskunnallizet liitot kaikelleh ruvetah auttamah niilöi täs ruavos, sanoi Aleksei Lesonen.

Rahvas lugietah, kirjastoloih kävväh

Istundos Kul’tuuran vuvven tuloksis kerdoi ministerstvan ruadai Anna Tomčik, kudai sanoi, ku Literatuuran vuvvennu kaikenmoizih pidoloih yhtyi lähes 30 tuhattu hengie. Enimät pidolois oldih tarkoitettu lapsile da nuorile, ku hyö enämbän lugiettas. Anna Tomčik sanoi, ku vuvvennu 2015 tazavallan kirjastoloih kävyi 520,8 tuhattu hengie, se on 12,6 % enämbi ennemullostu. Oligi mostu piduo, kudamien vuoh opitah kannattua nerokkahii nuorii kirjuttajii...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat