Vienan Karjala

Kirjutukset vienankarjalakse

Nerokkahat opastajat suadih palkindot

Kilvan laureatat da voittajat (hurualpäi oigiele): Tatjana Fomina, Oles’a Rugačeva da Ol’ga Ivanova. // Kuva: Elina Potapova, “Oma Mua”.

Kilval oli kaksi nominatsiedu: Parahat karjalan, vepsän da suomen kielen tarkastus- da miäriändymaterjualat školah niškoi da Parahat karjalan, vepsän da suomen kielen diagnostiekkumaterjualat päivykoin kazvattiloih niškoi.

–Tänävuon valmistettih kanzallizien kielien opastamizen konseptsii. Sen todevuttamizes enzimäzekse meile avvutetah net nerokkahat opastajat, kuduat yhtyttih kilbah. On mieldy myö, ku kilbah yhtyttihgi nuoret opastajat. Sanommo, yksi laureatois on ruadanuh školas vaigu yheksä kuudu, sanou opastusministerstvan piämiehen enzimäine sijahine Tatjana Vasiljeva.

Parahat karjalan, vepsän da suomen kielen tarkastus- da miäriändymaterjualat školah niškoi -nominatsies palkindot suadih kaksi petroskoilastu suomen kielen opastajua: Natalja Grigorjeva (gimnuazii n:o 17) da Ol’ga Hristoforova (škola n:o 3).

Parahat karjalan, vepsän da suomen kielen diagnostiekkumaterjualat päivykoin kazvattiloih niškoi -nominatsies voittajikse roittih Lumikello-päivykoin n:o 20 kazvattajat Oles’a Rugačeva (suomen kieli), Mirja Hotejeva (karjalan kielen livvin murreh) da Ol’ga Ivanova (karjalan kielen livvin murreh)... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat