Vienan Karjala

Kirjutukset vienankarjalakse

Pakinoilla Piäjärvellä

Piäjärven karjalaiset keräyvyttih ”Pakinaklubin” perintehelliseh tapuamiseh. // Kuva: Anni Vlasova

Piäjärven “Karjalaisešša pirtissä” 18. talvikuuta keräyvyttih karjalaiset “Pakinaklubih”. Puajima kešän tapahtumisista, muistelima vanhašta pruasniekašta Kekristä.

Olemma tilannun Oma Mua -lehtie ta ošallistun arpajaisih. Tänä vuotena oli paikallisie voittajie – Kiestinkin Pavlova Olga ta Piäjärven F’odorov Šanteri. Šanteri on meijan Vienan Virta -järještön aktivisti – hiän otti šuurta ošua paikallisen Tuhkapatunan puhistamiseh, vaštuau kyykkäpelistä, käyt karjalan kielen kurššiloilla. Iloisešti onnittelima häntä, lahja – čaijukeitin – mäni oikeih käsih.    

Kuččuvierahana meilä oltih Sohjanankošen naiset, niijen kešen – Šateenkuari-duetti (Zinaida Ust’ugova ta Raisa Kundoz’orova), kulttuuritalon ohjuaja Jelena Ligotskaja, oli vierahie i Tungojärveltä. Pistäyty meijan luokse i meijan Lainhyväkšymiskokoukšen etuštaja Nikolai Zaikov, hiän on paikallini karjalaini, šen takie myö pyrittimä häntä, jotta hiän enämmän kannattais karjalan kieltä korkiella tašolla.

Oli meilä pakinua šiitäki,  jotta pitäis laittua šuurempi kartta kaikkien vanhojen kylien kera ta kertuo niistä kyläläisillä ta koululaisilla. Kyllä še on mukava ajatuš, kumpaista olemma jo alkan toteuttua.

Tavan mukah joima čäijyö ta maistelima  kalakukkoja ta toisieki herkkuja, kuin oli ennein Kekrin aikana. Lauloma yheššä, oli mukava tapahtuma. 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat