Vienan Karjala

Kirjutukset vienankarjalakse

Muailmas eliä, sobuh eliä

Hurual on Gabriele V’ul’fers, T’ubingenan ruavottomien avvuttamine -järjestön spetsialistu. // Kuva: : Natalja Iškina, “Oma Mua”.

Pyöryžän stolan paginaihiennu oli “Suomelazet da karjalazet: sugukanzoin yhteisruado da ulgopuolizien protsessoin vaikutus niilöin yhtenverdažukseh”. Täh pidoh tuli kaksi paginanvedäjiä Germuanies da Suomespäi, kudamat kerrottih pagolazien tilas omis mualois.

T’ubingenan ruavottomien avvuttamine -yhteiskunnallizen järjestön spetsialistu Gabriele V’ul’fers kerdoi, min verdu pagolastu tulou Germuanieh da eläy sie: “Ligakuus 2015 meile tuli enämbi sadua tuhattu pagolastu. Angela Merkel’ kučui Vengries olijoi somalilazii, irakilazii, afganistanalazii, siirilazii, pakistanalazii da toizii”. V’ul’fers kerdoi, gu pagolazet enzimäi kuuzi nedälii eletäh vastahottopunktas (ezim. kazarmas, tevolližustalois), kudamua heil ei sua jättiä. Sie rahvas suajah syömisty, liäkärin abuu, jen’gua. Sit hyö kyzytäh pagolazen stuatusas da vastavuksen suaduu muututah väliaigazih eländypaikkoih (fatieroih, sportuzualoih), kudamis eletäh vie kaksi vuottu. Sit rahvas muutetah alallizih eländypaikkoih. Suuri probliemu on nämmien eländypaikoin vähys... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat