Vienan Karjala

Kirjutukset vienankarjalakse

Tuaste karjalan kielen valdivollizes stuatusas

Jevgenii Ivanovič sotsiolougannu olles da Karjalan tiedokeskuksen Kielen, literatuuran da histourien instituutas ruadajes tiedäy da mustau kai: kui piettih karjalazien kerähmölöi, midä niilöis paistih da mittumii tuloksii ruadajes suadih. // Kuva: Kuva on otettu “Oman Muan” arhiivas.

Jevgenii Ivanovič sotsiolougannu olles da Karjalan tiedokeskuksen Kielen, literatuuran da histourien instituutas ruadajes tiedäy da mustau kai: kui piettih karjalazien kerähmölöi, midä niilöis paistih da mittumih tuloksih ruadajes piästih.

Karjalazien VIII kerähmyö vaste “riidavuimmo” hänen kel karjalan kielen valdivollizen stuatusan periä. Emmo jo riijellyh da ei ni sua sanuo, ku kaikis šeikois olemmo vastakkai, ga piätin pagizuttua händy kielidieloloih nähte.

 ‒ Paista pidäy kahtu dieluo. Yksi on karjalazien yhtehine kieli, toine dielo – valdivolline stuatussu. Valdivolline kieli on se kieli, kudai palvelou yhteiskunnan kaikkii aloi. Meih niškoi da Karjalan tazavaldah niškoi se on ven’an kieli. Karjalazis 99,99 % tietäh ven’an kieldy.

Karjalan kielen valdivolline stuatussu oli paginal karjalazien kerähmölöis allus algajen. Vuvvennu 1991 Anukses pietys enzimäzes kerähmös sih nähte sanottih kohti: karjalan kielele pidäy olla valdivolline stuatussu ven’an rinnal. Priäžäs vuvvennu 1994 toizes kerähmös karjalan kielen valdivollistu stuatussua kohti ei paistu, sanottih vai, ku pidäy hyväksyö zakon “valdivollizis kielis”. Nellän vuvven peräs vuvvennu 1998 Karhumäis pietty kerähmö kehoitti levendiä zakonoin pohjan, sen ližäkse hyväksyö Kielizakon, kuduan mugah karjalan kielel ven’an kielen rinnal olis valdivolline stuatussu...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat