Vienan Karjala

Kirjutukset vienankarjalakse

Vepsäläine mifolougii kanzien välis

Kniigan luadii Irina Vinokurova sai äijän pättäviä tieduo omah tutkimukseh oman died’oin Nikolai Bogdanovan dissertatsies vepsän kielen sanastoh näh. // Kuva: Ol'ga Ogneva

Enzimästy kerdua yksih kanzih on kerätty tiijot vepsäläzien jumalois, muan, vien, mečän, koin da tahnuon haldielois, elättilöis da lindulois, luonnonobjektois, pyhis kivis, luonnonvoimis – tules, vies, tuules da voimattomuksis, kudamat voijah tartuo niis ristikanzah, kaikkiedah 340 sanakirjutustu, kus on sellitetty 369 terminiä. Kirjutukset on pandu vepsäläzen kirjaimikon mugah, tämän periä kniigan allus on vepsän kielen kirjaimikko da suuri kirjutus vepsäläzih näh. Joga sanakirjutuksen allus on vepsäläine sana, kudai sit sellitetäh ven’akse. Kirjutuksii tävvendetäh mustuvalgiet da värillizet fotokuvat. Kniigu on nähnyh päiväzenvalgien Petroskoin valdivonyliopiston julguamos.

 – En ni smiettinyh, ku vepsäläzien mifolougies suau kerätä kogonaine kniigu, allushäi materjualoin vähyön periä oli planiiruittu kirjuttua vai setämä kirjutus vepsäläzes mifolougies da luadie yhtehine kniigu, kus olis kirjutustu vie karjalazis da suomelazis. Yhtelläh olen ylen hyväs mieles, ku minul puutui kerätä materjualat eri kniigah, sanoi entsiklopeedien luadii, Kielen, literatuuran da histourien instituutan etnolougien ozaston vahnin, histourientiijon doktoru Irina Vinokurova...

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat