Vienan Karjala

Kirjutukset vienankarjalakse

Elias Lönnrotalluo gostis

Täs pienes kois yhtel aigua eli 10-11 hengie. // Kuva: Ol’ga Dubitskaja, “Oma Mua”

Kodimuzei

Paikkarin Torppa on Kalevala-eeposan keriäjän Elias Lönnrotan kodikondu, kudai sijaiččou Suomen Sammatis, Helsinkin lähäl.

Paikkarin Torppah tulduu enzimäi näet kurrellizen aijan, sit vaste vai pienen puuhizen koin. Koin lähäl, pienel kallivol, puuloin keskes seizou Elias Lönnrotan mustopačas, buiteku Lönnrot vaste vai astui troppua myöte da istuihes kirjuttamah runuo.

Elias Lönnrotan kodi on pieni, ylen vahnu, seizou se kivilöil. Pertih tulduu pidäy kumarduo, ku kamuah piä ei puuttus. Moizet madalat veriät oldih ennevahnas.

Kaikkiedah kodimuzeis on kaksi pertii, kuduat suau kaččuo – yhten sydämeh voibi piästä, a tostu suau kaččuo vai uksespäi. Pertit, kui ičegi kodi, ollah pienet, ga valgiet, seinät ollah rapattu da kruasittu izv’oskal.

Tämän koin nosti Eliasan tuatto vuvvennu 1800 da Elias oli enzimäzenny lapsennu, kudai rodivui täh kodih.

Elias Lönnrotan pereh eli köyhästi, perehes oli seiččie lastu. Eliasan tuatto oli sovanombelijannu.

Koin suures pertis on kaksi ikkunua, suuri päčči truvanke, stola, laučat, škuappu, rundugu, pieni stola lapsih niškoi, kravatti, kätkyt da kaksikerroksine puukravatti. Kätkyön rinnal seizou rukki.

Monet vehkehet muzeis ollah alguperäzet. Toizet – koupiet, kuduat ollah luajittu Eliasan vellen tyttären Miina Lönnrotan mustoloin mugah... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
Koudu: *
Partn`ourat