Vienan Karjala

Kirjutukset vienankarjalakse

Siämärven rannan kirjastoloin 110-vuozipäiväkse

Jevgenija Kalutskaja (hurual) kirjaston lugijan kel.

Kirjaston ruadai äijän tiedäy da maltau

Jevgenija Petrovna Kalutskaja äijän vuottu ruadoi Jessoilan kirjaston hoidajannu. Paiči kirjastuo, naine ruadoi yhteiskunnan hyväkse, oli partien ozaston piälikönny, Jessoilan kylänevvoston da sel’pon abuniekannu, aktivistannu. Jevgenija Petrovna ainos pidi kunnos dokumentoi, kul’tuuruopistospäi tulluzii praktikantoi, ajeli seminuaroih, nevvoi nuorii, suvaičči kniigoi da käziruaduo… Hänes oli ainavoluaduine naizen šarmu, kudai luadiu muailmua parembakse!

Ei ni lugie sua, min verran kunnivo- da kiitändykirjastu on suannuh Jevgenija Kalutskaja. Pienen Jessoilan kylän rahvas ainos mielihyväl tuldih kirjastoh, suadih nevvuo da vastavustu omih kyzymyksih. Erähät täs sellitettih oman eloksen probliemoi, toizet suadih hyviä mieldy literatuuruvastavuksis da paginois.

 

Teijän ruaduo kiittiä maksau

Kaikkii Siämärven rannikon kirjastoloin ruadajii hyvittelen merkipäivänke! Lykkyy ruadoh teile, enämbän lugijua da korgiedu palkua ruavos. Erikseh himoittas mustoittua da kiittiä ruavos jo toizele ilmale siirdynyzii – Zinaida Nikolajevna Gakal (Siämärven kirjasto), Galina Vasiljevna Nikitina (Jessoilan kirjasto), Ol’ga Mihailovna Borovkova (Sodderan kirjasto), Jevgenija Petrovna Kalutskaja (Jessoilan kirjasto). Hyö luajittih suuren ruavon meijän čupun kirjastoloin ruavon kehittämizekse.

Galina Vasiljeva, Jessoilan kirjaston endine piälikkö.  

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat