Vienan Karjala

Kirjutukset vienankarjalakse

Virret yhtes vieldiä

KSS: n piäliköl Eeva-Kaisa Linnal käis on seuran avul luajittu Karjala-tansijoukon disku, kuduas suau nähtä viizi perindöllisty karjalastu tansii // Kuva: Natalja Vorobei.

Helsinkin linnan keskučas 8.-9. sulakuudu kuului karjalankielisty paginua da pajuo. Suomen puolen kuulužu karjalazien liitto – Karjalan Sivistysseuru pidi omassah vuozikerähmyö. Suomen karjalazil on hyvät monivuodehizet yhtevykset meijän puolen karjalazih, sendäh täh suureh pidoh oli kučuttu meigävellie. Karjalan Rahvan Liiton puoles kerähmöh tuli Natalja Vorobei da hänen puolitostu vuodehine Tuarie-tytär, Nuori Karjala -järjestön puoles sen piälikkö Aleksei Tsikarev. Suomelas-ugrilazien nuorižoliiton MAFUN:an tervehyöt sanoi Oliver Lood, kudai nygöi on sen piämiehenny. Oma Mua -lehten tervehyöt Helsinkih toi lehten piätoimittai Natalja Sinitskaja. Lahjakse rajantagazile heimovellilöile toimmo Karjalan tazavallas mennyt vuon painettuu karjalankielisty lugiettavua.

Kerähmö allettih Karjalan Sivistysseuran enzimäzen piämiehen Pentti Keynähän mustamal. Mies kymmene vuottu oli KSS:n piälikönny da siirdyi toizele ilmale nedälin peräs sen jälles, konzu Vaasan linnas piettih Karjalan Sivistysseuran 110-vuozipäiviä. Pentti Keynähän luguzet dokumenatat omahizet annettih KSS:n arhiivah.

Kerähmös saimmo kuulta, kui äijän da mittustu ruaduo oli ruattu mennyt vuon. Monipuolizes ruavos saneli KSS:n halličukseh kuului Eila Stepanova. Ruavon finansupuoles kerdoi KSS:n piälikön sijahine Pekka Vaara. Karjalan Sivistysseuru polgou endisty taibalehtu – säilyttäy, kannattau da kehittäy karjalan kieldy da kul’tuurua mollembil puolil rajua... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat