Vienan Karjala

Kirjutukset vienankarjalakse

Petroskois on sanottu vuvven 2016 paras kniigu

Marat Tarasov (keskel) da Jurii Šleikin (hurual) suadih Vuvven 2006 kniigu -palkindon kniigas runoilijah Robert Roždestvenskoih nähte. // Kuva: Ol’ga Dubitskaja, “Oma Mua”

Läs 60 julguamuo da ilmoihpiästäjiä organizatsiedu kilbailtih eriluaduzis nominatsielois da koiteltih suaja Vuvven kniigu -arvonimen. Kai kniigat oldih ozutettu kniiguozuttelus, kudai ruadoi Kanzallizs kirjastos kevätkuun 13.-26. päivinny, paiči sidä ruadoigi virtualline ozuttelu.

Kilvan hantuzis kirjastos oli järjestetty vastavundat  kirjuttajien kel – Jelena Pietiläzen, Konstantin Gnetnevan, Jevgenii Pekin da Igor’ Vostr’akovan kel, piettih Jurii Šleikinan XX-vuozisadah ruadomatku- da Andrei Tsunskoin Räkki vezi -kniigan prezentatsii.

Kilvas kaikkiedah oli viizi nominatsiedu, kudualois voittajat suadih diplomat da palkindot. Paiči sidä omat diplomat da palkindot oldih Petroskoin linnan administratsiel, Kul’tuuruministerstval, Luonnonrikkahuksien käyttämizen da ekolougien ministerstval da Kniigoin suvaiččijoin liitol.

Vuvven 2016 paras kniigu -tseremonii piettih Karjalan tazavallan Kanzallizes kirjastos 21. sulakuudu. Pidoh tuli äijy rahvastu – ministerstvoin da julguamoloin ezittäjiä, kirjuttajua, ekspertujoukkoloih kuulujua, lugijua.

Nominatsies “Paras kniigu karjalan, vepsän libo suomen kielel” suadih Periodika-julguamon jullatut sanakniigat – Suuri ven’a-karjalaine sanakniigu, Suuri karjal-ven’alaine sanakniigu da Venäjä-viena šanakirja...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat