Vienan Karjala

Kirjutukset vienankarjalakse

Uksi vai veräl?

Alavozelazet saneluu kirjuttamas.

Ol’ga Limarenko Internetan kauti sai Natalja Varpunispäi sanelun tekstan da kučui omii opastujii sidä kirjuttamah, kuduat ei ammui loppiettih hänen karjalan kielen kursit, kuni ei unohtettu tiedoloi. Ol’ga löyhki, ku kirjutettih tarkah, opastai jogahizel andoi mustokse da ihalmokse varustetut lahjat – tetrattizet, kirjuttimet da kukki-kalenduarazet.

Sit Ol’ga piätti kerätä pyhäpiän 23. sulakuudu Alavozen taigin -teatrustuudien ozanottajat valmistamah uuttu ozutelmua da yhtel tiel kirjuttamah saneluu. Käski minule tuvva Petroskois saneluu da tovestukset. Piädykauti kävyin nellänpiän ehtäl Nataljalluo Paginkanzu-kluubah ottamah saneluu da erillizii kirjuttimii, yhteltiedy kirjutin sie sanelun kahtel murdehel, pagizin da kuundelin nuorien karjalazien kel, kuulin heijän uuzii mielii.

Tottu sanuo, vuotin ku pyhänpiän Alavozen kul’tuurutaloih tulou vähästy enämbi liygilästy, ga net, kuduat tuldih, maksetah joukko. Jo toizen kerran kirjutettih saneluu Vera Mihailovna Larionova, kudai lugou, kirjuttau, pagizou da opastuu runoloi mustoh karjalakse, da Ol’ga Pavlovna Limarenko, kudai maltau paista kahtel murdehel da suomekse, lugou, kirjuttau dai pajattau. Hyö ei petties puututtu parahikse Alavozen kylän karjalan kielen sanelun kirjuttajakse. Heijän keskeh puutui vie Jevgenija Andrejevna Digujeva, kudai sežo oigieh da hyväh kirjutusluaduh kirjutti kai sanat dai virkehet...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat