Vienan Karjala

Kirjutukset vienankarjalakse

Itkettäjän nero pyzyi hinnois

Šun’gaspäi školaniekoin sanoin mugah ozutella oniegantagazen alamurdehel ei olluh jygei, sendäh ku sil nygyaigassah paistah omas kyläs. // Kuva: Elina Potapova, “Oma Mua”.

Konferensien aigua ruadoi kaksi sektsiedu: “Oniegantagazen da Ven’an Pohjazen folklouruperindöt” da “Oniegantagazen da Ven’an Pohjazen histourii da kul’tuuru”. Tulluzien da paikallizien tiedomiehien dokluadoi sai kuulta Ven’an tiedoakadeemien Karjalan tiedokeskukses. Fedosovan lugemizien avajazet piettih Karjalan tazavallan Kanzallizen kirjaston seinis. Paiči virgumiehii, tervehtyksii videon kauti sanoi i japounielaine Yoko Yomasugi, kudai ylen äijäl suvaiččou ven’an kieldy da kul’tuurua da tutkiu Irina Fedosovan luomisruaduo.

Konferensien piäaihiennu oli Irina Fedosovan elaigu da luomisruado, hänen panos ven’alazeh folklourah. Fedosovan luomisruavon ellendämizekse pidäy tiijustua hänen elaigua, midä oli hänen mielis. Irina rodivui bohatoin muanruadajien pereheh, lapsusaijas äijän ruadoi, kaksi kerdua meni miehele. Hänel oli jygei elos kui kaikil toizilgi muanruadajil naizil.

Dokluadoin aigua piettih paginua toizih kuulužih itkettäjih da runoilijoih nähte, sanommo, Anna Paškovah da Nastasja Bogdanovah. Net inehmizet maltettih itkettiä ei pahembi Fedosovua, ga ei suadu nengostu kuulužuttu. Irina Fedosova äijän ajeli Ven’ua myöte ozuttamas omii neroloi da sai täs hyvii dengoi. Suuren vuitin omis dengois, 300 rubl’ua, Fedosova andoi  Kuuzirannan školan nostamizeh. Voi sanuo, ku itkettäjän nero oli sil aigua “sotsiualizennu liftannu”, äijät inehmizet opittih vägie täs ruavos... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat