Vienan Karjala

Kirjutukset vienankarjalakse

Nikolai Abramovan mustokse

Nikolai Abramov

Kummeksijen kyzyin vardoiččijal: “Kenbo häi on?’’ Vastavus oli: “Tämähäi

on  Abramovan Kol’a, kudai ruadau vepsänkielizes Kodima-lehtes. Nygöi hänel ei ole kus eliä Petroskoil, sendäh häi yödyygi omah toimitukseh”. Muga minä tuttavuin Kol’ah.

Myöhembä, konzu “Kodiman” toimitus siirrettih toizeh kerrokseh, minä  puaksuh kävyin Nikolailluo. Toiči joimmo yhtes čuajuu. Nikolai ainos hyväs mieles taričči: “Istavu juomah čuajuu meijänke’’. Terväh minä rodiimmos oma ristikanzu toimitukses da minul kai oli sie oma nimikuppi. Toiči, konzu čuajuu, zuaharipeskuu da pečen’n’ua oli vajavuos, Nikolai kyzyi minuu ostua niidy lähälolijas laukas.

Äijäs mis pagizimmo čuajuu juvves: muailman tilandehes da lehtikirjutuksien aihielois. Toiči Nikolai lugi omii runoloi da kluassiekoin kiännöksii.

“Kodiman” piätoimittajannu olles Nikolai kerran sanoi, ku ei tävvy kirjutuksii lehten tulieh noumerah. Häi vaste vai tuli ruadomatkas Suomespäi. Sinne händy kučui hyvä tuttavu suomelaine tutkii da folkloristu Riho Gr’untal. Sendäh minä taričingi Kol’ale kirjuttua täs ruadomatkas lehteh, pagizutin händy sih nähte. Muga sellitimmö kirjutuksien vajavuon problieman...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat