Vienan Karjala

Kirjutukset vienankarjalakse

Zor’at täs ollah hil’l’azet

Spektaklis ezityttih yhtendentostu kluasan opastujat Liza Tibujeva (Liza Bričkina), L’udmila Uhova (Son’a Gurvič), Karina Ignat’kova (Gal’a Četvertak), Arina Stepanova (Žen’a Kamel’kova), Valerija Gataulina (Rita Ovs’anina) da Lev Vorobjov (Vas’kov). // Kuva: Julija Lumbina.

Jessoilan kylän da sen lähikylien eläjät enzimäzinny kogo Nevvostoliitos nähtih tämä fil’mu. Rahvas kerras miellyttih sih fil’mah da ruvettih pidämäh sidä omannu. Nygöi, konzu fil’man kuvuamizen aijas meni 45 vuottu, Jessoilan karjalazet aktivistat Karjalan Rahvahan Liittoh kuulujan Tamara Petrovan johtol kiännettih A zori zdes’ tihije -pouvestin epizoudu livvinkarjalakse. Kul’tuurutaloin endine ohjuaju Galina Voglojeva yhtes yhtendentostu kluasan opastujienke luajittih ozutelmu sen kiännetyn epizoudan mugah.

– Otimmo vai yhten voinan epizoudan ozutettavakse, se on tragičeskoi da ylen äijäl kiinnittäy mieldy, sanou Galina Voglojeva.

– Ozutelman enzi-ildu piettih Jessoilan školas Voitonpäiviä vaste, välliä paikkua kaččojien zualas ei olluh, kuigi 45 vuottu tagaperin… Omat mustelmat saneli P’otr Šombin, kudai vuvvennu 1972 avtoubusan šouferinnu olles vedeli lapsii školah. Erähänny päivänny häi tuli Särgilahteh, a sie fil’mua kuvatah.

– Kačon: järvel on nuorazel sivottu kolme lauttua. Yhtel lautal naine huuhtelou sobii, toizel – staršina, kolmandel – operuattoru. Lauttoi vejelläh nuorazis, mustelou mies. – Äijän kerdua sanat sanottih, minä kogo ijäkse panin mustoh, mittumil sanoil Vas’kov frontale puaššihes… 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat