Vienan Karjala

Kirjutukset vienankarjalakse

Taido veres da mieles

Ozuttelun avajazii piettih muzein piälikkö Natalja Vavilova (oigiel) da muzeinruadai Anita Dunkers (hurual). Pivon aigua Tamara Jufa (keskel) saneli omas luomisruavos. // Kuva: Elina Potapova, “Oma Mua”.

Ozuttelus suau nähtä taidoilijan parahii tevoksii, Kalevala-eeposan koskijoigi, kuduat kuulutah Karjalan taidomuzein ”kuldazeh fondah”. Muzeis sežo voibi nähtä monih kirjoih niškoi piirustettuloi čomazii. Inehmine piirusti kuvii Hans Christian Andersenan, Charles Perraultan da Grimman velleksien suarnukniigoih. Ozuttelus Tamara Jufa on ezitetty kui kuulužu kirjugruafiekku da teatran taidoilii.

Ozuttelun avajazih tuli iče taidoilii, Tamara Jufa sai hyvittelylöi da lahjoi dovarišois da hänen luomisruavon suvaiččijois. Inehmine musteli omua nuoruttu, ruadotaibalehen alguu. Tamara Jufan sanoin mugah, tartuo ”Kalevalan” aihieh, kudai luadi taidoilijas kuulužu, händy potakoičči Sulo Juntunen. Enzimäi tämä ruado ozuttihes ylen jygiekse, hot eepossah häi tuttavui jo lapsennu olles raadivoprogrammua kuunneltes. Ga yksikai ruado algavui da lykystyi. On kummua, kui taidoilii tunzi karjalažuttu, pohjazes eläjän mentalitiettua, da tarkah kuvaili naizien taboi.

Ozutteluu vaste minä vastavuin Periodika-julguamos Tamara Jufan tyttären kel. Margaritan kel myö piimmö paginua sih nähte, midä tarkoittau olla taidoilijannu da kui pereh vaikuttau oman elaijan dorogan valličukseh.

Tamara Jufa on rodivunnuh Lipetskan alovehel, a hänen tytär Margarita on rodivunnuh jo Karjalah, Ladvan kyläh, kusTamara Jufa opasti lapsii piirdämäh... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat