Vienan Karjala

Kirjutukset vienankarjalakse

Kaiken pertin hyppeilöy da čuppuzeh kykistyy

Kaiken pertin hyppeilöy da čuppuzeh kykistyy // Kuva: Čomaine: Elina Potapova, “Oma Mua”

Enne uskottih, ku vastu anos pidäy panna varzi alah päi, sit koin eläjät roitah elokkahat da ni mi pahus heih ei tartu.

Paiči sidä uskottih, ku ei sua pyhkie pölylöi kynnykses piäliči, eiga niilöin myödäh koispäi hävitäh dengatgi. Eigo sua pyhkie lattieloi vastal päivän laskun jälles, eiga voibi voimattuo. Ubiuvvikkahal vastal pÿhkittih pienii lapsii, ku net muattas suremata, a ku vähäze iškie vastal kynnyksel virujua lastu, sit se rodieu sanankuulii. Miehele menedän ijäs olijat neidizet hypättih yheksä kerdua vastas piäliči lemmen nostokse da brihoin muanituksekse. Ei suannuh nikelle vierahale andua pyhkie vastal lattieloi omas kois, eiga oza kiändyy sellin. Uudeh kodih elämäh muuttajes vahnu vastu otettih kerale. Nikonzu ei sua pyhkie lattieloi vastal, ku kentahto kodiperehes on matkas. A ku tahtonetto ilmazekse igiä karkoittua ristikanzu omas koispäi iäres, pyhkikkiä vai hänen lähtiettyy late vastal omien jalloin keskes.

 

Voibi oza “varrastua”

Enne vahnas uskottih, ku ei sua pyhkie vastal vierastu pihua, eiga voibi varrastua heijän oza da lykky. Nygyaigazetgi “tiedovoiččijat” toči pyhkitäh lattieloi elokkahien da ozakkahien susiedoin veriälöin ies, ičessäh sanotah ”teijän oza, teijän elot ičele otan”, pölylöi da ligoi ei lykätä iäres vai kannetah omah kodih, kus net “yövytäh”. Sen vuoh hyö rounoku “varrastetah” toizien oza da lykky...

 

Vastu karjalazis arbaituksis:

Ukon očukkan kaikien čuput kaččou, yhten yöks.

Kaski pertis.

Vetehisen akka pirtissä, vaatteet kaikki paikoissa. 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat