Vienan Karjala

Kirjutukset vienankarjalakse

Piämies algai syvendyö kolmen pienen rahvahan azieloih

Istundos raportoittavinnu oldih kielien opastamistu da kul’tuuroin kehittämisty koidujat kyzymykset. // Kuva: Ol’ga Dubitskaja, “Oma Mua”.

Raportoittavinnu tuaste oldih kielien opastamistu da kul’tuuroin kehittämisty koidujat kyzymykset. Nevvostolazile net oldih jo hyvin tutut, ga uvvele piämiehele lähes tundemattomat. Parfenčikov lujendi ellendävän kanzallizien kyzymyksien dieloloin tärgevyön meijän tazavallas. Kerras kolmen ainavoluaduzen rahvahan olendan da eländän täl tapoksel – karjalazien, suomelazien da vepsäläzien – häi pidäy ani rikkahuonnu. Meigävellie Karjalas on vai yheksä protsentua.

Kielien opastamistu ližätäh urokoin ulgopuolel da kerholois

Karjalazien VIII kerähmön rezol’utsien 9. pygälän noudamistu raportoittih Kalevalan rajonan piälimäine Valentina Bulavtseva, Anuksen rajonan piälimäine Sergei Prokopjev da Priäžän rajonan varapiämies Tatjana Seppänen. Artur Parfenčikov huomai, mindäh Kalevalan čupul vai 13% školan lapsii opastutah karjalah, konzu kuavakse Anuksen rajonas se miäry on 58%. Bulavtsevan sellityksien mugah sih andau tiediä suomen kielen syvä opastamine. Seppäzen kannan mugah, nygözih opastamispluanoih on jygei ližätä vuittii karjalan kielele. Rajonan školis luajitah nenga, ku yksi čuassu on programmas da yhten čuasun suahah ližäopastuksen kauti – kerholoin muvvos. Sidä, ku karjalan, suomen da vepsän kieldy liženöy piälimäzen sistieman ulgopuolel, leyhkigi Petroskoin linnan administratsien varajohtai Rimma Jermolenko. Petroskoin kaheksas organizatsies (školat da päivykoit yhtes) 2 800 lastu silleh-tälleh opastutah nämmih kielih, niilöis 292 – päivykodilois. Se on enämbi mullostu 145 hengen čottah sen hyvyös, ku kielien opastamistu ližätäh kerholois... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat