Vienan Karjala

Kirjutukset vienankarjalakse

Sommelon musiikki yhistäy maita

Sommelon ošallistujat – udmurttilaisen Ošmeso šaer -ryhmän artistat // Kuva: Vitali Nikulin

Kešäkuun lopušša – heinäkuun alušša rajan molommin puolin vietettih perintehellistä Kanšainvälistä rahvahan musiikin Sommelo-festivalie. Še starttasi Šuomešša ta 2. heinäkuuta loppu vuuvven 2017 šuomelais-ugrilaisen muajilman kulttuurikyläššä Vuokkiniemeššä.

Tavallisešti festivalin viimesie päivie pietäh Kalevalašša ta Haikol’ašša, ka tänä vuotena järještäjien šuunnitelman mukah še loppu juuri Vuokkiniemen mualla.

Kanšainväliseh festivalih ošallistu erilaisie kollektiivija Šuomešta, Udmurtijašta, Petroskoista, Kalevalašta, Vuokkiniemeštä. Niin, “Sommelon” enšimmäisenä päivänä vuokkiniemiläiset ta kylän vierahat šuatih tuttavuštuo Petroskoin Kajahuš-ryhmäh, a pyhänäpiänä šuurešša konsertissa vanhojen aittojen luona esiinnyttih Vuokkiniemen Martat- ta Kataja-yhtyvehet, udmurttilaini Ošmeso šaer -ryhmä, Tikkursbi-duetti Šuomešta, Kalevalan Tarina-folkloristudijo.

Sommelo-festivalin ohjelman viimesenä vierahana oli Rajamailla-duetti Šuomešta. Mukava kollektiivi esittäy kanšanitkuo musiikin ta tanššin kautti.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat