Vienan Karjala

Kirjutukset vienankarjalakse

Kolatsellän kylän gost’at

Alisa Gubareva mielihyväl sanelou lapsile omas kodimuzeis da sanelou vehkehis, kudamat ollah kini karjalazien alaijas. // Kuva: Natalja Kaširina.

Kulkuset-pajo- tansijoukon lapset jo ammui uskaldettih tulla meijän kyläh. Täl kerdua yhtes heijän kel ugodittihesgi gost’at. Otimmo vastah kaikkii gostii meijän kois.

Loittozil gostil oli ylen hyvä mieli nähtä karjalastu taloidu. Yhtes lapsienke pastoimmo karjalazii piiraihuzii ‒ šipainiekkua. Lapset mielihyväl ajeltih kuoret, yhtistettih da sit kačottih, kui minä labjal čökkäin net päččih. Pastoimmo kartohku- da suurimpiiruadu. Net roittih hyvät da magiet, läs 85 piiraidu oli luajittu da syödy.

Kuni yhtet ajeltih kuoret da yhtistettih, toizet sil aigua oldih minun muzeis.

Loittonpäi tulluzil lapsil oli ylen hyvä mieli tiijustua kylän elostu, kaččuo midä on muzeis. Kummeksittih, konzu kačottih minun Anni-sizären jälles voinua bumuaguhuavolois luajittuu tetrattii. Kui net säilyttih kois, en voi ni sanuo...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat