Vienan Karjala

Kirjutukset vienankarjalakse

“Nouze lembi liehumah, kunnivoni kuulumah”

Nuoril Kinelahtel eläjil miehil nostimmo lembie da sit tiijustimmo, kudual heis se on kirgiembale nossuh. Miehil pidi “kylvettiä” toine tostu koivuvastoil, kenen vasta lehtie jäi vähembä, sen lembi on korgiembi. // Kuva: Margarita Kemppainen, “Oma Mua”.

Kinelahtel Iivananpäivy on kyläpruazniekku, ga Viändöidy hyö piettih tänävuon enzimästy kerdua. Pruazniekkah tuli paikallistu eläjiä dai tulolastu rahvastu. Tules piäliči ei puuttunuh hypätä, ku vihman azui, ga sentäh lembie nostimmo kaikkeh luaduh.

Jyrgil’čät Viändöin pruazniekkua piettih jo tostu kerdua. Rahvastu kerdyi mullostu enämbäine: oligo lastu, oligo vahnembua rahvastu, oligo miehel dai naizis olijua, oligo yksinästy nuordu. Ga sanotahhäi karjalazet: “Ei ole puudu linnun istumattomua, eigo ole tyttyö miehel menemättömiä”. Toinah muga hyvin nostimmo lembie, ga kai, kel on aigu mennä miehele dai naija, tänävuon pietäh svuad’bat.

Lembie nostettavua vastua enzimäi käytimmö Kinelahtel, vaste sit Jyrgiläs, sendäh vikse se oli kahtu kerdua enämbäl tiedovoittu. Oigiel puolel dorogua katkattuloin koivu- da pihl’aioksih ližäimmö kukkua da tähkiä, sit sidä vastua kolme päiviä piimmö kudžoimättähäs. Min verdu kudžoidu juoksendeli vastan lehtii myöte, sen verdu nuordu brihua rubieu pyörimäh niilöis tyttölöis ymbäri, kudamii kylvetettih täl vastal. Tiedovoittuu vastua ei sua jättiä kunne puuttuu da muite vai lykätä libo lattieloi sil pyhkie. Se pidäy poltua tules, sit lembi vie korgiembale nouzou, libo suattua kudžoimättähäh. Voibigi kylyn levole lykätä. Midä korgiembale lykkiät, sidä korgiembi rodieu lembi. Jurgiläs mugai ruavoimmo...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat