Vienan Karjala

Kirjutukset vienankarjalakse

Ku toivomukset mendäs todeh

Pruazniekan ižändöinny oldih kuulužan Vepsäläzen horan pajattajat. // Kuva: Elina Potapova

Kolmaskymmenes Elonpu-pruazniekku on omistettu merkittävile päivile. Tänävuon Vepsäläzen rahvahan horale täydyy 80 vuottu, a Vepsäläzele etnogruafizele muzeile – 50 vuottu. Pruazniekan aigua toimii suuri lava, kudual omii pajo- da tansineroloi ozutettih Karjalan joukot. Konsertulava čomendettih kukil da heinäs luajittuloil kukkiloil. Toimiigi jarmanku, kuduas myödih erilazii mustolahjoi, kniigoi vepsän kielel da pastoksii. Jogahine gost’u oppi perindöllisty vepsälästy pyöryžiä šipainiekkua.

Pruazniekan avai Karjalan piämies Artur Parfenčikov, kudai hyvittelii kaikkii da toivotti vepsäläzile iellehgi ruadua oman rahvahan hyväkse. Konsertan aigua kuului vepsän kieldy – čomal iänel pajatettih omii pajoloi vepsäläzen horan artistat da kai ozutettih pienii ozutelmii. Ozuttelemah omii neroloi pruazniekkah tuldih sežo “Karjala”, rahvahan pajon Vol’nije prostori-ansambli, lavaduettu “Vastavus” da tansiansambli “Folklorewagen”.

Tavan mugah, pruazniekan aigua gost’at sivottih värikkähät lentočkat puuh, ku kai toivomukset mendäs todeh. Tarkistammo sen tulien kezän Elonpu-pruazniekas.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat