Vienan Karjala

Kirjutukset vienankarjalakse

Priäžäs kiehuu elaigu

Etnoaktiivan lapset nygöi maltetah pastua šipainiekkua da keitinpiiraidu // Kuva: Nikita Smirnov

Jo kolmattu nedälii Priäžän Elämä-etnokul’tuurizes keskukses ruadau etnoaktiivu. Idei pidiä etnoaktiivu školaniekkoih niškoi tuli “Elämän” johtajale Svetlana Hrebtovale mieleh Kindahan juumorufestivualin jälles, kus aktiivizet školaniekat oldih volont’ouroinnu.

Etnoaktiivah kävyy 12 eri-igähisty lastu, ketgo opastutah kuvvendes kluasas, ketgo jo loppiettih yhtendentostu kluasan. Kai lapset ollah aktiivizet da paginakkahat.

Etnoaktiivan hantuzis nedälin aigua lapsil oldih ekskursienvedäjien kursit, kudualois hyö opastuttih Karjalan da Priäžän piirin histouriedu, kuunneltih, kui pidäy vediä ekskursiedu muzeis. Da lapsil nygöi on hyvä mahto harjoitella uuttu neruo – kezäl on äijy matkustajua da on keneh niškoi pidiä ekskursiedu.

Meil puutui kuunnella moine ekskursii, kuduadu etnoaktivistat saneltih loittozes Novorossiiskaspäi tulluzile matkailijoile. Vakkinazet hyväs mieles kuunneltih Priäžän piirin histouries da juodih čuajuu lapsien pastettuloin keitinpiirualoinke.

Paiči ekskursienvedäjien kursiloi, etnoaktiivas olijoile lapsile oli ozutettu kolme masterkluassua – heidy opastettih pastamah keitinpiiraidu da šipainiekkua da luadimah matkailijan tyttii...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat