Vienan Karjala

Kirjutukset vienankarjalakse

Marilazet tiedovoijah

Hanhilois da sorzis leikatah Jumaloih niškoi piät, siivet da jallat. Dostalit lihat annetah keitettäväkse, myöhembä net lihat syvväh rahvas. // Kuva: on otettu http://www.idelreal.org/a/28239000.html

Tottu sanuo, marilazet ei tiedovoija. Net marilazet, kudamil on perindölline marilazien usko, pannah malittuu omis pyhis lehtimečis, kudamii sanotah “k’usoto”. Nämmih pidoloih ei sua tulla niilöil, ket ollah tostu uskuo. Semmite paistah sie vaigu marikse.

Pyhät lehtimečät malittuloih nähte valliččou kart – marilazien piälimäine tiedoiniekku. Tavan mugah moizet k’usoto -pyhät mečät ollah kaikkien suurien marilazien kylien rinnal. Kaikkiedah Marin tazavallas niidy on läs 400.

Konzu marilazet kerävytäh k’usoto-meččih, hyö viritetäh viizi suurdu tulirobl’uo, jogahine omah kohtah, ku net on omistettu viijele eri Jumalale...

Tulirobl’oloil suuris kattilois marilazet keitetäh hanhiloi da sorzii, luajitah ližäkse “katliettua” – verhoikse iškiettylöin elättilöin veres da suurimas. Viizikymmenlitarihizis kattilois, kuduat riputah tulen piäl pitkil čieppilöil, pietäh huoldu miehet, hyö ližätäh halguo tuleh. Pyhis mečis puudu leikata ei sua, halguo tuvvah muijalpäi...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat