Vienan Karjala

Kirjutukset vienankarjalakse

Paras kudoju on mies

Aleksei Prokin omas kuvondupajas Petroskoin keskilinnua. Miehel olgupiäl on hänen kuvottu Tiramisu-hursti. // Kuva: Natalja Sinitskaja

– Ku kudiekse ottanet vahnua ribuu, hyviä hurstii ei rodei. Vahnois kudielois rodieu vahnugi hursti, nevvou minuu Aleksei Prokin.

Miesty suau uskuo, ku häi ozuttau minule iččeh kuvottuloi värikkähii hurstiloi. Tämänmoizii ei ole huigei oijendua lattiele nygyaigazesgi movvakkahas pertis. Žiäli on polgie jalgua niilöin piäle – moizet ollah kaunehet.

Aleksein kuvottuloi hurstiloi ostetah Karjalas eläjät dai loittozien suurien linnoin rahvas.

– Kengo ostau kodih, suureh libo magavopertih, kengo lapsih niškoi, ku lattiel elostettas, kengo kylyh. Eräs naine luajitti minul suuren tukun hurstiloi, hänel Moskovan rinnal on kodi, sellittäy Aleksei. – Moskovan da Piiterin eläjät nygöi puaksuh kiännytäh kylän taboih, terstavuttih linnan elaigutabah.

Tilattihgi Aleksei Prokinan hurstiloi Tatarstuanah, Komih, Voulogdah, Kabardino-Balkaarieh dai Jamalo-Nenetskoile alovehelegi.

Tavalline Aleksein ruado on Karelenergo-laitokses. Häi sie herrastau, on ozaston piälikönny.

Ei Aleksei kuvo sen verdu hurstii, ku kogonah hyllätä oma ruadokohtu da ottavuo vaigu kuvondah.

– Ei ole äijiä ostajua. Suurdu kareštii täs ruavos minul ei ole. Lunnastan sen, min verdu pien da vie sen piäle vähäzen. Muite mieli täh ruadoh ylen äijäl palau, sanou Aleksei...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat